द एलिअन टेक्नोलॉजी - ch ७. मॅजलॅनिक गॅलेक्सी
मिल्की वे आकाशगंगेपासून १६०,००० प्रकाश-वर्षे दूर मॅजलॅनिक गॅलेक्सीतील पृथ्वीसारख्या स्फिनिक्स (EVS160) ग्रहावर...
काही स्पेसशिपस स्पेसस्टेशनवर लॉन्चसाठी उभी होती. जवळच लागून असलेल्या स्पेस-सेंटरच्या मोठ्या हॉलमध्ये स्फिनिक्शिअन्सची एक मीटिंग चालू होती. मीटिंगमध्ये १६ जणांचा सहभाग होता. त्यातील एक जण सगळ्यांना काय व कसे करायचे याबद्दल ऑर्डर देत होता. तो बहुदा त्या सर्वांचा कमांडिंग ऑफिसर असावा. सगळे जण आता एका गोल टेबलासारख्या वस्तुजवळ गोल रिंगण करून उभे होते. कमांडिंग ऑफिसर सगळ्यांना त्या टेबलावरील नकाशावर हातातल्या लेझर किरणाने निर्देशून मार्गदर्शन करीत होता. ती वस्तू म्हणजे इलेक्ट्रो-मॅग्नेटिक इन्टर गॅलेक्टीक स्पेस मॅप (EMIGSM) होता.
कमांडिंग ऑफिसर बोलत होता.
एलिअन भाषेत...
मित्रांनो,
आपण गेल्या ५ वर्षांपासून डॉ. आल्फ्रेड स्पेंस आणि त्यांच्या असिस्टन्टला शोधत आहोत. आपण त्यांना आपल्या गॅलेक्सीमध्ये शोधून पहिले आहे परंतु ते आपल्याला सापडले नाहीत, अन याचाच अर्थ असा होतो कि ते आपल्या गॅलेक्सीत नाहीत.
आपल्याला मिशन डॅकसाठी (DAK) वरून ऑर्डर्स आल्या आहेत. या मिशनसाठी आपण निवडले गेलो आहोत. आपल्याला ७७:१८३ वाजता शोध मोहिमेवर वेगवेगळ्या गॅलेक्सीत जायचे आहे.
डॉ. आल्फ्रेड स्पेंस आणि त्यांच्या असिस्टन्टला जगण्यासाठी आपल्या ग्रहाच्या वातावरणासारखे वातावरण हवे आहे.म्हणून आपले काम सोपे झाले, आपल्याला फक्त असे ग्रह शोधायचे आहेत की जिथले वातावरण आपल्या वातावरणासारखे असेल.बस्स! त्या ग्रहावर जावून आपल्याला डॉ. आल्फ्रेड स्पेंस आणि त्यांच्या असिस्टन्टला शोधायचे आहे. आपण सुरुवात ट्रियांगुलम गॅलेक्सी व एंड्रोमेडा गॅलेक्सी पासून करू या. ८ जणांचा गट ट्रियांगुलम गॅलेक्सीकडे जाईल व उरलेले ८ जण एंड्रोमेडा गॅलेक्सीकडे जातील.
कमांडर सर्व जणांना पोर्टेबल इलेक्ट्रो-मॅग्नेटिक इन्टर गॅलेक्टीक स्पेस मॅप (PEMIGSM) देत विविध सूचना करीत होता.हे सर्व घडत असताना त्या रुमच्या दरवाज्या आडून कोणीतरी लपून सगळे ऐकत होते आणि याची जाणीव आतल्या सदस्यांना नव्हती.
अजून ७७ वाजायला ४ तासांचा अवधी होता. कमांडरने सर्व सदस्यांना आपापली सामाने अन साहित्ये भरून घेण्याची ऑर्डर दिली. सर्व जण पळत त्या रूम बाहेर निघाले अन आपआपल्या केबिनकडे जाऊ लागले.
७५: ९७ वाजता स्पेस स्टेशनच्या एका स्पेसशिपमधून एक गोलाकार स्पेसशटल मिल्की वे गॅलेक्सीकडे निघाले होते...
क्रमशः
Note: स्फिनिक्स हा ग्रह मिल्की वे या आपल्या आकाशगंगेपासून १६०,००० प्रकाश-वर्षे दूर असलेल्या मॅजलॅनिक गॅलेक्सीत असणारा एक ग्रह आहे. या ग्रहावर स्फिनिक्शिअन्स नावाची प्रजाती राहत आहे. ह्या ग्रहावर ५ वर्षे म्हणजे पृथ्वीवरील पन्नास वर्षे. यांच्या १ वर्षात ४८७ दिवस असतात अन दिवसाचे १७९.८७ तास असतात. हि प्रजाती / एलिअन मानवापेक्षा अधिक प्रगत आहेत. वाचकांनी लक्ष्यात घावे की हे सर्व काल्पनिक आहे. वैज्ञानिकानी फक्त मॅजलॅनिक गॅलेक्सी अस्तित्वात असल्याची पुष्टी केली आहे.
Previous / Next
Previous / Next
No comments:
Post a Comment